Пляцоўкай мерапрыемства выступае Музей сучаснага мастацтва Рыа-дэ-Жанейра. 

Расійскую дэлегацыю ўзначальвае міністр замежных спраў Сяргей Лаўроў. Прэзідэнт Расіі Уладзімір Пуцін прыме ўдзел у пленарным пасяджэнні па відэасувязі.

Як ужо паведамлялася, Беларусь на саміце прадставіць міністр замежных спраў Максім Рыжанкоў. Упершыню Беларусь прыме ўдзел у мерапрыемстве на высокім узроўні пасля атрымання ў студзені 2025 года статусу дзяржавы — партнёра пры аб’яднанні. Праграмай візіту прадугледжаны выступленні кіраўніка беларускай дэлегацыі на пашыраных пасяджэннях з удзелам лідараў дзяржаў БРІКС, а таксама двухбаковыя кантакты з кіраўнікамі знешнепалітычных ведамстваў краін аб’яднання. Чакаецца абмен думкамі па актуальных пытаннях міжнароднага парадку дня і перспектывах удзелу Беларусі ў ініцыятыўных фарматах БРІКС на прынцыпах раўнапраўя, шматбаковасці і ўзаемнай павагі.