На ўліку ў органах сацыяльнай абароны цэнтральнага рэгіёна знаходзіцца 283,3 тыс. пажылых грамадзян ва ўзросце 65 гадоў і старэй, з іх 113 — доўгажыхары, якія перасягнулі 100-гадовую мяжу.

«Пры гэтым колькасць працуючых пенсіянераў у Мінскай вобласці ў параўнанні з пачаткам 2022 года павялічылася на 15,9 тыс. чалавек і дасягнула 101,8 тыс. Для задавальнення патрэбаў у аказанні сацыяльных паслуг дзейнічаюць 23 тэрытарыяльныя цэнтры сацыяльнага абслугоўвання насельніцтва і 17 сацыяльных пансіянатаў. Найбольш запатрабаванымі па-ранейшаму застаюцца сацыяльна-бытавыя і паслугі па доглядзе дома. Такія паслугі атрымліваюць больш за 25 тыс. чалавек», — адзначылі ў прэс-службе.

Штогод павялічваецца колькасць валанцёраў «сярэбранага ўзросту», у Мінскай вобласці іх больш за тысячу.

«Яны рэалізуюць каля 200 розных ініцыятыў: дапамагаюць у побыце маламабільным адзінокім грамадзянам і інвалідам, развіваюць сацыяльны турызм, ствараюць творчыя майстэрні і нават мадэльныя школы, з’яўляюцца захавальнікамі беларускіх традыцый і праваднікамі іх для падрастаючага пакалення. Сярэдні ўзрост валанцёраў — 75 гадоў, самаму старэйшаму з іх 96 гадоў. Гэта жыхар Вілейскага раёна», — расказалі ў аблвыканкаме.