Самалёт McDonnell Douglas MD-11 амерыканскай кампаніі UPS накіроўваўся з Луісвіла ў Ганалулу і пацярпеў крушэнне каля 17.20 па часе ўсходняга ўзбярэжжа (1.20 серады па мінскім часе). Па звестках тэлеканала WLKY, прычынай крушэння магло стаць узгаранне рухавіка пры ўзлёце і страта магутнасці.

«Колькасць загінулых дасягнула як мінімум сямі чалавек, гэты паказчык, хутчэй за ўсё, вырасце», — напісаў губернатар штата Эндзі Бешыр на сваёй старонцы ў сацыяльнай сетцы X.

Паліцыя Луісвіла праінфармавала, што на месцы крушэння ўзнік пажар, і заклікала ўсіх у радыусе 8 км ад аэрапорта быць у сховішчы і пазбягаць месца крушэння паветранага судна. 

Адзначаецца, што на борце самалёта знаходзілася каля 946 тыс. л паліва, Пацярпелая ў выніку крушэння тэрыторыя супастаўная з гарадскім кварталам. Па словах Эндзі Бешыра, з-за крушэння пацярпелі аб’екты фабрыкі па перапрацоўцы адходаў і крамы аўтамабільных запчастак.