Салігорскі «Шахцёр» стаў сярэбраным прызёрам адзінай кантынентальнай лігі па баскетболе 3×3, паведамляе БелТА.
У казахстанскім Атырау ў вырашальным паядынку беларусы саступілі мясцоваму клубу «Барсы» з розніцай у два ачкі — 20:22.
У складзе «Шахцёра» гулялі Сяргей Вабішчэвіч, Аляксей Навойчык, Дзмітрый куратнік і Раман Рубінштэйн, які быў прызнаны найлепшым лёгкім нападнікам фінальнага этапу. Акрамя таго, Аляксей Навойчык стаў пераможцам конкурсу трохачковых кідкоў.
