У выхадныя і ў пачатку наступнага тыдня нас чакае анамальна цёплае надвор’е. Якімі тэмпамі развіваецца вясна, пра гэта расказалі ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.

Як аказалася, пачатак вясны развіваецца паскоранымі тэмпамі. А сакавік апярэджвае пагодны каляндар на цэлы месяц, перавышаючы кліматычную норму на 1–9 градусаў. Усё таму, што да нас паступае па паўночна-заходняй перыферыі шырокі антыцыклон. Але на наступным тыдні адаб’ецца ўплыў франтальных раздзелаў, якія абумовяць у асобных раёнах краіны кароткачасовыя дажджы і адкрыюць шлях прахалодным паветраным масам. У выніку чаго тэмпературны фон трохі панізіцца, але па-ранейшаму будзе перавышаць сярэднія шматгадовыя значэнні на 1–5 градусаў.

А 15–16 сакавіка захаваецца ўплыў вобласці павышанага атмасфернага ціску, сфарміраванай у цёплай паветранай масе. Чакаецца пераменная воблачнасць. У нядзелю будзе пераважна без ападкаў. Ноччу і раніцай на асобных участках дарог галалёдзіца. Вецер паўднёва-ўсходні, паўднёвы парывісты. Тэмпература паветра мінімальная ноччу ад мінус 2 да плюс 5 °С, а максімальная днём складзе ад плюс 9 °С па ўсходзе да плюс 17 °С па паўднёвым захадзе краіны.

У панядзелак будзе пераважна без ападкаў. Ноччу і раніцай на асобных участках дарог галалёдзіца. Вецер паўднёва-ўсходні, паўднёвы ўмераны, удзень парывісты. Тэмпература паветра мінімальная ноччу будзе ад мінус 4 °С па ўсходзе да плюс 4 °С па захадзе Беларусі, максімальная днём 9–16 °С цяпла.

У аўторак месцамі па краіне пройдуць кароткачасовыя дажджы, ноччу магчымы мокры снег. Ноччу і раніцай на асобных участках дарог чакаецца галалёдзіца. Тэмпература паветра ўначы складзе ад мінус 3 °С да плюс 4 °С, удзень будзе 6–13 °С цяпла.

У сераду месцамі па краіне пройдуць кароткачасовыя дажджы, ноччу магчымы мокры снег. Ноччу і раніцай на асобных участках дарог чакаецца галалёдзіца. Тэмпература паветра ўначы складзе ад мінус 3 °С да плюс 4 °С, удзень будзе 5–12 °С цяпла.

Сяргей КУРКАЧ