Як стала вядома журналістам, сярод бліжэйшых камандзіровак беларускага лідара — візіт у Алжыр. Максім Рыжанкоў адзначыў, што гэта адна з эканомік Афрыкі, што стабільна развіваюцца, і ў Беларусі з Алжырам шмат агульных падыходаў для супрацоўніцтва.

«Таму і мы зацікаўлены ў супрацоўніцтве, і алжырскія ўлады, — сказаў міністр. — Тым больш што Алжыр — гэта дзяржава, якая праводзіць незалежную, самастойную палітыку, арыентуючыся на нацыянальныя інтарэсы і ў інтарэсах свайго народа. Гэта нас збліжае і дае падставы лічыць, што і дамоўленасці будуць такія ж».

Візіт Прэзідэнта Беларусі ў Алжыр, паводле слоў Максіма Рыжанкова, стане часткай вялікага маршруту. Напрыклад, кіраўнік дзяржавы плануе наведаць таксама Бішкек, дзе прыме ўдзел у саміце АДКБ.