«На сустрэчы з кіраўніком расійскай дэлегацыі на саміце БРІКС Сяргеем Лаўровым бакі абмеркавалі далейшую каардынацыю работы знешнепалітычных ведамстваў у ААН, БРІКС, ШАС і на іншых шматбаковых пляцоўках, а таксама шэраг прадметных пытанняў двухбаковага палітычнага ўзаемадзеяння», — расказалі ў міністэрстве.

На перагаворах з віцэ-прэзідэнтам Уганды Джэсікай Роўз Алупа абмеркавана рэалізацыя дамоўленасцей, дасягнутых у час лютаўскага візіту прэм’ер-міністра Беларусі. Яны датычацца такіх сфер, як прамысловасць, харчовая бяспека, энергетыка і ваенна-тэхнічнае супрацоўніцтва.

«Бакі станоўча ахарактарызавалі актывізацыю двухбаковых кантактаў і намецілі напрамкі па далейшаму развіццю міждзяржаўнага дыялогу. У якасці першачарговага кроку намечаны візіт віцэ-прэзідэнта Уганды ў Беларусь для абмеркавання супрацоўніцтва ў сферы механізацыі сельскай гаспадаркі краіны і паставак беларускіх прадуктаў харчавання», — адзначылі ў МЗС.

На палях саміту таксама адбыліся сустрэчы Максіма Рыжанкова з дзяржаўным міністрам ААЭ Ахмедам Алі аль-Саегам і прэм’ер-міністрам В’етнама Фам Мінь Цінэм. Бакі прадметна абмеркавалі ход рэалізацыі міждзяржаўных дамоўленасцей, дасягнутых у час афіцыйных візітаў у Беларусь і сустрэч на вышэйшым узроўні.