Міністр замежных спраў Беларусі Максім Рыжанкоў 6 студзеня правёў тэлефонную размову з міністрам замежных спраў Кыргызскай Рэспублікі Жээнбекам Кулубаевым. Пра гэта паведамляе БелТА са спасылкай на прэс-службу беларускага знешнепалітычнага ведамства.
Бакі абмеркавалі пытанні рэалізацыі сумесных праектаў і ініцыятыў.
Асаблівая ўвага была ўдзелена будучаму саміту Шанхайскай арганізацыі супрацоўніцтва, які пройдзе ў Кыргызскай Рэспубліцы. Бакі абмяняліся думкамі па ключавых аспектах падрыхтоўкі саміту і парадку дня.
