Напярэдадні заключэння здзелкі куплі-продажу аб’екта нерухомасці ў БРТІ рыэлтары прапаноўвалі кліенту фармальна скасаваць раней заключаны дагавор і аплаціць рыэлтарскія паслугі наяўнымі грашовымі сродкамі, нібыта кліентам самастойна быў рэалізаваны дадзены аб’ект. Пры гэтым работнік агенцтва ў далейшым даводзіў здзелку да завяршэння, а кліент атрымліваў скідку за аплату наяўнымі ў памеры $100-200.

Наяўныя ад кліентаў рыэлтарамі прымаліся без выкарыстання касавага абсталявання, не залічваліся на разліковы рахунак і заставаліся ў распараджэнні службовых асоб арганізацыі, у тым ліку ішлі на выплату заработнай платы «ў канвертах» без выплаты падаходнага падатку з фізічных асоб.

Скрытая выручка склала 1,4 млн рублёў. Па выніках праведзенай праверкі, з улікам іншых парушэнняў арганізацыі прад’яўлена да выплаты падаткаў у суме 800 тысяч рублёў. Акрамя таго, за няпоўную выплату падаткаў арганізацыя будзе прыцягнута да адміністрацыйнай адказнасці, а ў дачыненні да службовых асоб распачата крымінальная справа па ч. 1 арт. 243-1 Крымінальнага кодэкса.