Яна адзначыла, што Літва магла б правесці гэту сустрэчу, але дадала, што ў Вільнюса «ёсць пэўныя ўмовы». Імя і пасада перагаворшчыка Ругінене не назвала.

На мінулым тыдні спецпасланнік ЗША Джон Коўл у інтэрв’ю аднаму з літоўскіх СМІ заклікаў Вільнюс пачаць дыялог з Мінскам, а таксама заявіў пра зацікаўленасць Злучаных Штатаў Амерыкі ў калійных угнаеннях з Беларусі. Ён адзначыў, што неабходна стварыць умовы для перавозкі беларускіх калійных угнаенняў праз Літву і «спыніць тыя рэчы, якія перашкаджаюць жыццю па абодва бакі». Прэм’ер Літвы ў адказ заявіла, што Вільнюс можа разгледзець прапанову аб сустрэчы з беларускімі прадстаўнікамі на ўзроўні намеснікаў міністраў замежных спраў. Пры гэтым яна сказала, што для магчымасці аднаўлення такога дыялогу існуе некалькі ўмоў. 

Прэс-сакратар МЗС Беларусі Руслан Варанкоў заявіў, што Беларусь гатовая абмяркоўваць з Літвой любыя праблемныя пытанні, але без якіх-небудзь папярэдніх умоў. 

Раней выданне Diena пісала, што спыненне Літвой з 1 лютага 2022 года транзіту прадукцыі ААТ «Беларуськалій» стала ключавым фактарам стратнасці Літоўскіх чыгунак.