«Сёння адбылася сустрэча з Прэзідэнтам Шаўкатам Мірзіёевым, якая стала ключавой падзеяй візіту. У ходзе перагавораў абмеркаваны шырокі спектр пытанняў, якія датычацца далейшай актывізацыі беларуска-ўзбекскіх адносін стратэгічнага партнёрства. Канстатаваны плённыя вынікі афіцыйнага візіту прэзідэнта Узбекістана ў Мінск, які адбыўся 8 і 9 ліпеня гэтага года», — адзначылі ў прэс-службе.

Асаблівы акцэнт зроблены на важнасці няўхільнага і своечасовага выканання прынятага плана мерапрыемстваў, які прадугледжвае нарошчванне ўзаемнага тавараабароту да $2 млрд і актыўнае прасоўванне кааперацыйных праектаў у ключавых сферах эканомікі.

Асобная ўвага ўдзелена пытанням прымянення беларускіх кампетэнцый і назапашанага вопыту ў працэсе стварэння першай атамнай электрастанцыі і развіцця спадарожнай інфраструктуры на тэрыторыі Узбекістана.