Паводле ацэнкак экспертаў, летась планета пазбавілася лясной тэрыторыі памерам з Італію. У трапічных рэгіёнах лясныя пажары сталі асноўнай прычынай гібелі людзей. Акрамя таго, узгаранні адбываліся ў барэальных лясах Канады і Сібіры.

У 2024 годзе страты лясоў у Бразіліі нашмат перавысілі паказчыкі, якія назіраюцца пры прэзідэнцтве Жаіра Болсанару. Гэтаму садзейнічалі пажары і наймацнейшая засуха ў Амазоніі за ўсю гісторыю назіранняў. На долю гэтай краіны прыпала 42% усіх першасных страт трапічных лясоў — больш за 25 тысяч квадратных кіламетраў.

Другое месца па стратах лясоў упершыню заняла Балівія. З 2020 года тэмпы абязлясення ў гэтай краіне павялічыліся амаль у пяць разоў, дасягнуўшы больш за 14 тысяч кв. км. Рэкордны ўзровень скарачэння некранутых лясоў таксама зафіксавалі ў Дэмакратычнай Рэспубліцы Конга і Рэспубліцы Конга.

Вучоныя адзначылі, што павышэнне глабальнай тэмпературы робіць лясы больш гарачымі і сухімі. Гэта павялічвае верагоднасць узгарання. Дзейнасць чалавека пагражае нават аддаленым трапічным джунглям. Варта прарабіць вялікую работу, каб супрацьстаяць «шырокамаштабнай и разбуральнай» дынаміцы пажараў.

З 20 краін з найбольшымі плошчамі некранутых лясоў у 17 высечка дрэў адбываецца больш хуткімі тэмпамі, чым у 2021 годзе. Аднак ёсць і станоўчыя навіны. Страты некранутых лясоў у Інданезіі і Малайзіі заставаліся адносна нізкімі.