Усяго сёлета ў адборачных этапах конкурсу прынялі ўдзел 632 сям’і. За права прадставіць рэгіён на рэспубліканскім этапе будуць змагацца 75 сем’яў, у тым ліку ў Брэсцкай вобласці — 5 сем’яў, Віцебскай — 5, Гомельскай — 6, Гродзенскай — 19, Мінскай — 23, Магілёўскай — 6 і ў сталіцы — 11. Першых фіналістаў рэгіянальнага этапу вызначаць 4 жніўня ў Магілёўскай вобласці.

«На рэгіянальным і рэспубліканскім этапах сям’і прадставяць два праекты. У праекце „Сям’я: формула шчасця“, удзельнікі раскажуць пра свае традыцыі, захапленні і сямейны ўклад. А другі праект будзе прысвечаны Году беларускай жанчыны», — расказалі ў ведамстве.

Фінал конкурсу пройдзе ў Мінску 10 кастрычніка. Сям’я-пераможца атрымае дыплом і грашовы прыз, а ўсе астатнія будуць узнагароджаны дыпломамі ўдзельнікаў і грашовымі прызамі. Акрамя таго, фіналістам уручаць прызы ў натуральнай форме.

Рэспубліканскі конкурс «Сям’я года» праводзіцца ўжо сёмы раз. Упершыню ён адбыўся ў 2012 годзе. Галоўная мэта конкурсу — умацаванне інстытута сям’і, папулярызацыя традыцыйных сямейных каштоўнасцяў, павышэнне прэстыжу бацькоўства і шматдзетнасці. Конкурс праводзіцца згодна з дзяржпраграмай «Развіццё дэмаграфічнага патэнцыялу» на 2026—2030 гады.