Наталля Паўлючэнка нагадала, што 14 кастрычніка ў Беларусі стартуе Тыдзень бацькоўскай любові. Працягнецца ён да 21 кастрычніка. «У Полацку 12 і 13 кастрычніка пройдзе чарговы форум „Размова аб важным: шчаслівая сям’я — моцная дзяржава“, які таксама прысвечаны сямейным каштоўнасцям. Ён праводзіцца пад эгідай Савета Рэспублікі ва ўзаемадзеянні з Беларускай праваслаўнай царквой», — расказала Наталля Паўлючэнка.

Яна адзначыла, што парадак дня форуму маштабны, а сам ён будзе мець міжнародны фармат. У ім возьмуць удзел замежныя парламентарыі, у першую чаргу з краін СНД.

«Мы будзем гаварыць аб тым, што нас аб’ядноўвае, нягледзячы на адрозненні ў культуры або дзяржаўным ладзе, — аб традыцыйнай сям’і», — падкрэсліла старшыня Пастаяннай камісіі па адукацыі, навуцы, культуры і сацыяльным развіцці Савета Рэспублікі.

Напярэдадні форуму, 9 кастрычніка, з 15.00 да 17.00 пройдзе адзіны дзень прамых тэлефонных ліній, у якім будуць браць удзел усе члены Савета Рэспублікі. Тэматыка — пытанні сямейнай палітыкі і ўдасканалення заканадаўства ў сферы шлюбу і сям’і. Падрабязная інфармацыя аб прамых тэлефонных лініях размешчана на сайце Савета Рэспублікі.