«Гаварыць аб навуцы не стану, вельмі шмат сказана. Без навукі няма развіцця. Што да нашай навукі, я не скажу, што мы тут загніваем з пункту гледжання навукі. Але тое, што дае нам навука, асабліва для прыкладных напрамкаў, гэта вельмі недастаткова. Вы гэта цудоўна ведаеце, — сказаў кіраўнік дзяржавы. — Тое, што нам трэба страсянуць Акадэмію навук, — гэта факт. Я таксама пра гэта казаў. Для гэтага туды і накіраваны чалавек адносна малады, дзейны, які разумее, што ад яго патрабуецца (гаворка пра старшыню Прэзідыума НАН Уладзіміра Караніка. — Заўв. БелТА)».

«Але адзін у полі не воін. Яму была пастаўлена задача знайсці такіх, як вы, — маладых, але дасведчаных, на якіх можна абаперціся. Разам і наперад!» — даваў наказ Аляксандр Лукашэнка.

Як паведамлялася БелТА, Віталь Залескі прызначаны першым намеснікам старшыні Прэзідыума Акадэміі навук. Да гэтага часу ён працаваў на пасадзе дырэктара Фізіка-тэхнічнага інстытута НАН Беларусі.

Намеснікам старшыні Прэзідыума прызначаны Аляксей Труханаў. Раней ён займаў пасаду акадэміка-сакратара Аддзялення хіміі і навук аб Зямлі НАН Беларусі.