Мінчанка паведаміла ў міліцыю, што яе 14-гадовая дачка стала ахвярай махляроў. Падлетак кантактавала з новым знаёмым у месенджары і адправіла яму геалакацыю. Пазней ёй паступіла відэа ад невядомага ў камуфляжы і масцы, ён пагражаў дзіцяці, што па яе каардынатах прыляцяць ваенныя дроны, а саму дзяўчынку абвінавацяць у дапамозе тэрарызму. На сувязь выйшаў таксама лжэследчы, які пагражаў пасадзіць яе маці ў турму. Каб выратаваць сям’ю, школьніца пагадзілася ўзяць 90 тыс. бел. руб. бацькоўскіх зберажэнняў і перадаць «для дэкларавання». 

Следчымі распачата крымінальная справа, ўстанаўліваюцца ўдзельнікі злачыннай схемы.