Навігатар са штучным інтэлектам для распазнання перашкод, які дапаможа невідушчым і са слабым зрокам людзям арыентавацца на мясцовасці, распрацавалі ў Новасібірскім дзяржаўным тэхнічным універсітэце. Для работы з сістэмай, якая адрозніваецца ад аналагаў магчымасцю працаваць у афлайн-рэжыме, патрабуецца толькі тэлефон. Аб гэтым паведамілі ў прэс-службе ВНУ, піша ТАСС.

«Чалавек загружае распрацаваную намі праграму, уключае камеру і замацоўвае гаджэт на грудзях. Далей працуе спецыяльна навучаная нейрасетка. З відэапатоку кадраў ШІ распазнае становішча, адлегласць да патэнцыйна небяспечных аб’ектаў і гукам апавяшчае пра гэта карыстальніка», — расказаў адзін з аўтараў праекта Ягор Аўдзееў.

Для распазнання аб’ектаў распрацоўшчыкі выкарыстоўваюць мадэльнейронавай сеткі, якую навучаюць на ўручную размечаных дадзеных.

ШІ ўмее папярэджваць аб аб’ектах на адлегласці каля пяці метраў, каб не перагружаць карыстальніка інфармацыяй, а таксама рэагаваць на перашкоды, якія нечакана з’явіліся, напрыклад, машыны або зачыненыя вароты.