Па даных следства, увечары 11 чэрвеня ў шахце трэцяга рудаўпраўлення «Беларуськалія» пры выкананні будаўнічых работ па ўзвядзенні дзвярной солебетоннай перамычкі адбылося яе разбурэнне. У выніку інцыдэнту загінуў 50-гадовы мацавальнік рудніка, а двое работнікаў траўмаваныя: цяжкія цялесныя пашкоджанні атрымаў 34-гадовы трактарыст участка, пашкоджанні нагі атрымаў 18-гадовы навучэнец каледжа, які праходзіць вучэбную практыку на рудніку. Пацярпелыя шпіталізаваныя.

На месцы працавала следча-аператыўная група. Следчымі з прыцягненнем спецыялістаў УДКСЭ па Мінскай вобласці праведзены агляд месца здарэння, зафіксавана следавая карціна, дапытаныя сведкі, прызначаны шэраг экспертных даследаванняў. Канфіскавана дакументацыя, у тым ліку па захаванні тэхнікі бяспекі і ахове працы.

Па дадзеным факце распачата крымінальная справа па ч. 2 арт. 303 (парушэнне правілаў бяспекі горных або будаўнічых работ, што пацягнула па неасцярожнасці смерць чалавека) Крымінальнага кодэкса Беларусі. Праводзяцца следчыя дзеянні, для ўстанаўлення ўсіх абставін, прычын і ўмоў таго, што адбылося.