Аляксандр Рагожнік, якога Кіраўнік дзяржавы прызначыў на пасаду старшыні Віцебскага аблвыканкама, падзяліўся з журналістамі чаканнямі ад работы на пасадзе кіраўніка рэгіёна, перадае БелТА.

«У любой вобласці ёсць нейкія пытанні — як на любым прадпрыемстве і ў любой арганізацыі. Любая задача заўсёды мае рашэнне. Як у медыцыне: вызначаюць дыягназ, прызначаюць лячэнне і пераходзяць да выздараўлення. Так і тут. Невырашальных задач не існуе. Для вырашэння трэба пэўны час, адказнасць і настойлівасць у дасягненні выніку. Усё гэта прыводзіць да поспеху», — сказаў Аляксандр Рагожнік.

У пацвярджэнне сваіх слоў ён прывёў прыклад Аршанскага раёна, які некалькі гадоў таму быў свайго роду «праблемным пунктам» у рэспубліцы. Пасля адпаведных даручэнняў Кіраўніка дзяржавы ўдалося наладзіць работу прадпрыемстваў рэгіёна і забяспечыць людзей дастойнай заработнай платай. «Гэта, на першы погляд, невырашальная праблема вырашылася і ніякіх сёння праблем не дастаўляе», — дадаў ён.