Супрацоўнікі па барацьбе з эканамічнымі злачынствамі выявілі сістэматычныя крадзяжы ў адной з прадуктовых крамаў Магілёва. Пра гэта БелТА паведамілі ў МУС.
Праваахоўнікі ўстанавілі, што 37-гадовая загадчыца на працягу трох месяцаў крала з сейфа дзённую выручку. Сума шкоды перавысіла Br86 тыс. Усе грошы жанчына прайграла ў анлайн-казіно.
Следчыя ў дачыненні да работніцы распачалі крымінальную справу за крадзеж, учынены ў асабліва буйным памеры. Ёй пагражае да 12 гадоў пазбаўлення волі.
