Сёння ноччу ў службу МНС ад суседзяў паступіла паведамленне аб пажары ў пяціпавярховым жылым доме на вул. Кобрынскай. Па прыбыцці падраздзяленняў МНС назіралася гарэнне ў кватэры на трэцім паверсе. Ратавальнікі ў задымленым пакоі выявілі і вынеслі на вуліцу гаспадара, які знаходзіцца ў непрытомным стане. Мужчына шпіталізаваны.

Работнікі МНС аператыўна ліквідавалі пажар. На месцы здарэння працавала пяць адзінак тэхнікі. Эвакуацыя жыхароў пад’езда не спатрэбілася.

Як мяркуецца, пажар адбыўся праз неасцярожнасць пры курэнні.