Паказ канцэрту-рэквіема «Кожны трэці» — гэта гонар. «Праект вельмі значны і вельмі высакаякасны з пункту гледжання падрыхтоўкі артыстаў, рэжысёра і гэтак далей. Яшчэ больш значна, што вось гэтую тэму мы нясём у сабе і кожны трэці — гэта пра нас. Няма ніводнай беларускай сям’і, куды гора Вялікай Айчыннай вайны не дайшло. Тое, што менавіта мы з’яўляемся такімі заўзятымі барацьбітамі за гістарычную праўду, — гэта не выпадковасць», — упэўненая віцэ-прэм’ер.

Наталля Пяткевіч падзякавала расійскім партнёрам за тое, што яны падтрымалі гэту ідэю і зрабілі яе рэальнасцю. «Гэта эмацыянальна цяжкі праект. Для мяне, напрыклад, кожная ваенная песня — гэта боль. Дзякуй богу, што мы не былі сведкамі гэтага і пакаленне нашых бацькоў таксама. Краіна, у якой мы жывём, помнікі вайны настолькі напоўнены ўспамінамі і адчуваннямі, што гэтая каштоўнасць Перамогі, свабоды, міру для нас набывае не проста кніжнае значэнне. Гэта тая каштоўнасць, якую мы павінны адстойваць і за якую павінны змагацца», — лічыць яна.

Канцэрт-рэквіем «Кожны трэці» прайшоў у Крамлёўскім палацы. У вялікай зале сабраліся 6 тыс. чалавек. У памяць аб кожным трэцім загінулым у Вялікай Айчыннай вайне прагучалі як вядомыя савецкія песні пра вайну і перамогу, так і сучасныя кампазіцыі на ваенную тэматыку. Праграма ўключала ўнікальныя хранікальныя кадры і фотадакументы, а паэтычнай асновай стаў «Рэквіем па кожным чацвёртым» Анатоля Вярцінскага. Прэм’ера праграмы адбылася ў маі мінулага года ў Маскве на Паклоннай гары. Да 80-годдзя Перамогі ў Вялікай Айчыннай вайне ў красавіку гэтага года прайшла серыя канцэртаў-рэквіемаў у Мінску ў Палацы Рэспублікі, на якіх пабывалі гледачы з усіх абласцей Беларусі.