У адзіны дзень інфармавання Уладзімір Пярцоў сустрэўся з педагогамі і навучэнцамі Барысаўскага дзяржаўнага каледжа. Галоўнай тэмай гутаркі стаў Дзень народнага адзінства як фактар нацыянальнага гонару.

Як адзначыў першы намеснік кіраўніка Адміністрацыі Прэзідэнта, інфармацыйнае супрацьстаянне за розумы і сэрцы нашай моладзі ідзе многія гады. І ў першую чаргу з дапамогай новых электронных медыя — сродкаў камунікацыі, якія даносяць у рознай форме інфармацыю, якую яны хочуць укласці ў розумы маладых людзей, — перш за ўсё «альтэрнатыўную гістарычную праўду». Спекуляцыі на гістарычнай тэме робяцца перш за ўсё для таго, каб стварыць у моладзі няправільныя, ілжывыя стэрэатыпы. Гістарычная праўда густа замешваецца на хлусні, фэйках, перакручванні фактаў, калі асобны факт, які меў месца быць, выстаўляецца як усеагульная тэндэнцыя, характэрная для таго ці іншага гістарычнага перыяду. 

«Для таго каб аспрэчваць гэтую хлусню, займацца гэтай контрпрапагандай, трэба праводзіць сустрэчы твар у твар і не баяцца вострых пытанняў, памылак, уступаць у дыскусію з маладымі людзьмі, таму што іх вось гэтая супярэчнасць унутры грызе», — адзначыў Уладзімір Пярцоў. 

Як падкрэсліў спікер, трэба расказваць дакладныя факты, гісторыі герояў нашай зямлі, выклікаць у маладых людзей пачуццё гонару за гістарычныя подзвігі нашых папярэднікаў, за гераічныя ўчынкі сапраўдных герояў беларускай зямлі. 

«Тады яны будуць усведамляць, што з’яўляюцца спадкаемцамі гэтых герояў, прадаўжальнікамі вось гэтых гераічных, патрыятычных традыцый, і будуць адчуваць сябе сапраўды патрыётамі сваёй зямлі», — адзначыў першы намеснік кіраўніка Адміністрацыі Прэзідэнта.