«Літаратура — частка культуры, якая не знікне, як многія відэаролікі ў папулярных сацыяльных сетках, як творы на лічбавых носьбітах. Гэта тое, што застаецца на паліцы, і тое, што захоўвае тагачасную культуру для будучых пакаленняў. Таму мы можам ведаць, чытаць, бачыць, разумець, адчуваць тое, пра што перажывалі нашыя продкі, толькі з кніг, якія нам дасталіся ў спадчыну. Нашы нашчадкі, дзякуючы тым кнігам, у тым ліку прадстаўленым у рамках выставы, будуць меркаваць пра наш час», — лічыць Уладзімір Пярцоў.

На думку першага намесніка кіраўніка Адміністрацыі Прэзідэнта, кнігі ў папяровым выглядзе — не проста носьбіт інфармацыі, а яшчэ і аб’ект, ад якога атрымліваеш пэўнае эстэтычнае задавальненне. «Гартаеш, назіраеш, як працаваў мастак, дызайнер, якое ёсць афармленне, кампіляцыя... Гэта таксама асаблівы від мастацтва, які мы, кнігалюбы, цэнім, і прыходзім сюды, на гэту выставу, таму што тут ёсць тыя кнігі, якіх у магазінах не бывае. Рэдкія кнігі нявыгадна прадаваць у масмаркеце, але тут іх можна знайсці, і таму тут так шмат наведвальнікаў», — растлумачыў ён.

Таксама Уладзімір Пярцоў адзначыў вялікую цікавасць моладзі да папяровай кнігі. «Пакаленне альфа, нягледзячы на час, праведзены ў сваіх смартфонах, усё роўна выбірае друкаваную кнігу, усё роўна, у мяккай, цвёрдай вокладцы. Яны чытаюць шмат, у тым ліку кнігі, якія мы адносім да цяжкай класікі, у нялёгкім стылі. Цікава з імі потым разважаць і высвятляць уражанне і меркаванне аб прачытаным, аб персанажах і падзеях. Дзякуючы такім падзеям верым, што ў нашай краіны і маладога пакалення ёсць будучыня, яна будзе адукаванай, пісьменнай, увабярэ ўсю гэту культуру, якую нясе кніга», — упэўнены першы намеснік кіраўніка Адміністрацыі Прэзідэнта.