Дакумент накіраваны на паляпшэнне гандлёвага абслугоўвання, павышэнне яго якасці і стварэнне дадатковых умоў для развіцця гандлю, грамадскага харчавання і бытавога абслугоўвання на вёсцы.

З гэтай мэтай на мясцовым узроўні выбудоўваецца сістэма — звод нормаў — для сфер гандлю, грамадскага харчавання, бытавога абслугоўвання. Улічваюцца, з аднаго боку, пажаданні жыхароў сельскай мясцовасці, з другога — эканамічныя інтарэсы суб’ектаў гандлю.

Указам устаноўлена, што гандаль, бытавое абслугоўванне і работа грамадскага харчавання на вёсцы ажыццяўляюцца з улікам асаблівасцяў. У прыватнасці, па падаткаабкладанні, арганізацыі работы аўтакрам (з абавязковым вызначэннем маршрутаў, указаннем перыядычнасці руху, часу і месцаў прыбыцця), адчужэнні на платнай аснове нерухомасці.

Прадугледжана персанальная адказнасць старшынь абласных і раённых выканкамаў, а таксама кіраўнікоў суб’ектаў гандлю за забеспячэнне належнага гандлёвага абслугоўвання жыхароў сельскай мясцовасці.

Указ падрыхтаваны ў адпаведнасці з патрабаваннямі і даручэннямі кіраўніка дзяржавы на выязной нарадзе, якая адбылася ў Вілейцы 7 жніўня 2026 года, па пытаннях забеспячэння сельскага насельніцтва шырокім асартыментам тавараў пад поўную патрэбнасць.

Раней дзеючыя прававыя акты ў названай сферы прызнаюцца страціўшымі сілу.