Месцам прадуктыўных сустрэч і перагавораў на ўзроўні парламентарыяў, а таксама прадстаўнікоў міністэрстваў, розных галін прамысловасці, бізнес-колаў і сацыяльнай сферы ў гэтыя два дні стаў горад Хіва. Форум прысвечаны стратэгічнаму партнёрству, развіццю парламенцкага дыялогу і перспектыў супрацоўніцтва.

Прыняцце Хівінскай дэкларацыі Узбекска-беларускага міжпарламенцкага форуму стала адной з ключавых падзей у праграме. «Прынцыпова важна, каб дэкларацыя стала планам канкрэтных дзеянняў. Усе прапановы, якія прагучалі на пленарным пасяджэнні, секцыях і іншых мерапрыемствах, дэталёва прааналізаваны і ўлічаны ў гэтым дакуменце», — падкрэсліла Старшыня Савета Рэспублікі Наталля Качанава.