«Мы, беларусы, працягваем не толькі адбудоўваць і ўдасканальваць нашу краіну — родную і любімую Рэспубліку Беларусь, — але і прыкладаць сілы і магчымасці, каб дапамагаць іншым людзям, якія трапілі ў бяду. Усе беларусы, як і дэлегаты Усебеларускага народнага сходу, глядзяць і плануюць на доўгатэрміновую стратэгічную перспектыву: што будзе праз год, праз 5 гадоў, праз 10. Сёння і заўтра — вельмі важныя дні, калі мы прымаем лёсавызначальныя дакументы», — падкрэсліў ён.

Аляксей Талай расказаў таксама аб беларуска-расійскім цэнтры па рэабілітацыі дзяцей, якія атрымалі мінна-выбуховыя траўмы, у гістарычным будынку сядзібы Раманавых у аг. Стара-Барысаў Мінскай вобласці, які плануе ўзвесці дабрачынны фонд яго імя. «Праект па стварэнні рэабілітацыйнага цэнтра маштабны, ён падтрыманы кіраўніком Расійскай Федэрацыі Уладзімірам Уладзіміравічам Пуціным. Мне зусім нядаўна была прадастаўлена магчымасць асабіста далажыць яму аб гэтай вельмі добрай, светлай ідэі. Прэзідэнт Расіі падтрымаў. Цяпер мы атрымліваем сігналы з усёй Саюзнай прасторы Расіі і Беларусі — ад спонсараў, ад людзей, якія жадаюць паўдзельнічаць у гэтым як фізічна, так і фінансава», — адзначыў ён.

«Гэты праект прыцягне сюды дзяцей і моладзь. Мы будзем рабіць усё магчымае, каб у ім паўдзельнічалі нашы маладзёжныя патрыятычныя клубы. І гэты праект стаў такой вяхой у гісторыі іх сям’і, якая будзе перадавацца з пакалення ў пакаленне, — звярнуў увагу Аляксей Талай. — Бо беларусы — мірныя, добрыя людзі, стваральны народ».