Прэзідэнт Нацыянальнага алімпійскага камітэта Беларусі Віктар Лукашэнка павіншаваў Арыну Сабаленку з перамогай на прэстыжным турніры катэгорыі WTA-1000 у Мадрыдзе, паведамілі ў прэс-службе НАК.
Ён таксама пажадаў спартсменцы моцнага здароўя і бліскучых дасягненняў, якія толькі ўмацуюць яе статус наймацнейшай тэнісісткі планеты і падораць радасць трыумфу мільёнам балельшчыкаў у роднай Беларусі.«Моцны характар, мэтанакіраванасць і працавітасць дазволілі табе сабрацца ў патрэбны момант, каб выстаяць, нягледзячы на каласальны ціск, і атрымаць гэтую доўгачаканую перамогу», — адзначыў Віктар Лукашэнка.
Арына Сабаленка ў трэці раз стала пераможцай спаборніцтваў у іспанскай сталіцы, абыграўшы ў фінале амерыканскую тэнісістку Коры Гаўф. Цяпер у актыве Сабаленкі 20 чэмпіёнскіх тытулаў на турнірах пад эгідай WTA.
