«„12 крэслаў“ — гэта прыгоды герояў — Астапа і Кіцы, якія адправіліся на пошукі скарбаў і па дарозе спрабавалі аблапошыць усіх, хто трапляўся ім на вочы. Яны хлусілі, абяцалі, хітрылі, транжырылі і нават жаніліся, не заўважаючы, як пагоня за каштоўнасцямі мяняе іх жыццё не ў лепшы бок», — расказалі ў тэатры.

Інсцэніроўку паводле культавага рамана Ільі Ільфа і Яўгена Пятрова стварыў мастацкі кіраўнік тэатра Горкага, заслужаны дзеяч мастацтваў Беларусі Сяргей Кавальчык. Галоўную ролю Астапа Бэндэра ў адным са складаў сыграе міністр культуры Руслан Чарнецкі.

«Сатырычнае прадстаўленне ў асобе прадпрымальных, смешных, харызматычных, заганных і часцяком недарэчных персанажаў падорыць дзве гадзіны весялосці і добрага настрою», — падсумавалі ў тэатры.