Прэм’ера прымеркавана да 40-годдзя аварыі на Чарнобыльскай АЭС — адной з найбуйнейшых тэхнагенных катастроф у гісторыі чалавецтва.

Дакументальны фільм праз чатыры дзесяцігоддзі даследуе лёс раёнаў Беларусі, якія найбольш пацярпелі ад катастрофы. У аснове карціны ўнікальныя сведчанні тых, хто апынуўся ў эпіцэнтры падзей: ліквідатараў, навукоўцаў, мясцовых жыхароў і відавочцаў. Іх успаміны, пераплеценыя з навуковымі данымі і назіраннямі за прыродай, раскрываюць неверагодную здольнасць Зямлі да ацалення і адаптацыі.

«Чарнобыль. Жывая зямля» — гэта не толькі дакументальная хроніка аварыі, але і гімн чалавечай стойкасці, навуковаму прагрэсу і невычэрпнай сіле прыроды», — адзначылі на кінастудыі.

Прэм’ерны паказ пройдзе а 19:00. З 16 красавіка фільм выходзіць у шырокі пракат.