Супрацоўнікі наркакантролю Ленінскага РУУС Мінска сумесна з аператыўнымі супрацоўнікамі органаў пагранічнай службы з доказамі злачынства затрымалі 41-гадовага жыхара сталіцы. Пра гэта паведамілі БелТА ў ГУУС Мінгарвыканкама.
Аператыўнікі выявілі і канфіскавалі ў жыхара Мінска больш за 50 г мефедрону. Як высветлілася, кіруючыся інструкцыямі куратара, фігурант у закладках забіраў буйныя партыі расфасаванага тавару і раскладваў разавыя дозы наркотыку па схованках на тэрыторыі сталіцы. Са слоў затрыманага, крымінальную падпрацоўку знайшоў у інтэрнэце і прапрацаваў на наркамаркет каля двух тыдняў.
Па гэтым факце заведзена крымінальная справа. Вядома, што раней мужчына ўжо быў судзімы за маёмасныя злачынствы і незаконны абарот наркотыкаў.
