Як адзначылі ў Батанічным садзе, гэта не проста творчасць, гэта падарожжа ў свет экадызайна, дзе кожная дэталь дыхае прыродай, а свята набывае сапраўдную, жывую прыгажосць. Да таго ж у эпоху ўсвядомленага спажывання і любові да прыроды экасувенір — ідэальны выбар для тых, хто шануе экалагічнасць і натуральнасць, непаўторнасць ручной працы і атмасферу сапраўднага зімовага цуду, створанага сваімі рукамі.

На практыкуме ўдзельнікі змогуць стварыць сувенір, выкарыстоўваючы духмяныя галінкі іглічных раслін, сушаныя плады і ягады, сухацветы і насенне, а таксама дэкаратыўныя травы і іншыя прыродныя матэрыялы.

Колькасць месцаў абмежаваная, таму Батанічны сад рэкамендуе запісацца загадзя. Зрабіць гэта можна па тэлефоне +375 29 320-17-17.

Практыкумы адбудуцца 12 снежня ў 13.00 і 15.00, а таксама 13 снежня ў 13.00 і 15.00.