Ратавальнікі папярэджваюць, што такі выхад уяўляе сур’ёзную небяспеку. Пад снегам могуць хавацца прамоіны, расколіны і тонкі лёд, асабліва паблізу берага, расліннасці ці ў месцах цячэння. Бяспечнай лічыцца таўшчыня лёду ад 7 сантыметраў, якую без спецыяльных вымярэнняў вызначыць немагчыма.

Вопытныя рыбакі, якія выходзяць на лёд экіпіраванымі, таксама заклікаюць гараджан да асцярожнасці. Адзін з іх у гутарцы з журналістамі зазначыў: 

«Тут можа стаяць лёд. У мінулы год я тут лавіў з лёду, а пад тым берагам ужо цякла вада. Трэба быць на рацэ ўдвая асцярожным. Ёсць агульнапрынятыя правілы. І што, дапусцім, патрабуюць, каб былі выратавальныя камізэлькі, што ўсё гэта кантралююць, я лічу, гэта вельмі добра. Бо вы ж бачыце, дарогі якія натаптаныя. Гэта ж не рыбакі натапталі. Прыходзіць жанчына з дзяўчынкай: а на той бок можна перайсці? Я кажу: дама, каб пераходзіць на той бок, людзі пабудавалі масты».

Нягледзячы на тое, што штрафу менавіта за адсутнасць выратавальнай камізэлькі няма, выхад на лёд у неабсталяваных месцах можа пацягнуць адміністрацыйную адказнасць. У выпадку адмовы пакінуць небяспечны ўчастак, ратавальнікі могуць выклікаць нарад міліцыі, што пагражае парушальніку папярэджаннем ці штрафам.