«Цяпер яны падзяляюць змрочнае меркаванне аб тым, што ўсё больш гнеўныя нападкі Трампа на Вялікабрытанію, Іспанію, Францыю і іншыя краіны пацвярджаюць фундаментальны разрыў у трансатлантычным альянсе», — адзначаецца ў публікацыі.

У прыватных размовах афіцыйныя асобы прызнаюць, што рэзкія выказванні амерыканскага лідара ў адрас саюзнікаў па НАТА, у тым ліку за адмову далучыцца да ваеннай аперацыі супраць Ірана, непазбежна аслабляе НАТА.

«НАТА паралізавана — прадстаўнікі арганізацыі нават не могуць праводзіць сустрэчы», — сказаў на ўмовах ананімнасці адзін з еўрапейскіх дыпламатаў. Са слоў прадстаўніка ЕС, «цалкам відавочна, што НАТА ўжо развальваецца», і Еўропе неабходна тэрмінова ўмацаваць свой абаронны патэнцыял. «Мы не можам чакаць, пакуль альянс спыніць існаванне», — дадаў ён.

Politico, грунтуючыся на інтэрв’ю з 24 еўрапейскімі міністрамі, чыноўнікамі і дыпламатамі, прыходзіць да высновы, што на сённяшні дзень адкрыта відаць «радыкальны зрух у пасляваенным сусветным парадку, да чаго прыклаў немалыя намаганні цяперашні лідар ЗША».

Як адзначае выданне, у апошнія дні адміністрацыя Трампа ўкінула ваенны альянс, магчыма, у самы глыбокі крызіс за ўсю яго 77-гадовую гісторыю. Кіраўнік Белага дома і яго каманда раней паабяцалі перагледзець членства ЗША ў НАТА пасля заканчэння вайны з Іранам. Абрынуўшыся з крытыкай на адрас альянсу за адмову далучыцца да канфлікту супраць Ірана, Трамп таксама назваў НАТА «папяровым тыграм».