У рамках мерапрыемства сакратары саветаў бяспекі дзяржаў — членаў арганізацыі абмеркавалі абстаноўку ў зоне адказнасці АДКБ і меры, накіраваныя на нейтралізацыю выклікаў і пагроз калектыўнай бяспекі, а таксама прынялі рашэнні, якія забяспечваюць каардынацыю дзейнасці дзяржаў-членаў у ваенна-палітычнай сферы. Асобна было разгледжана пытанне аб рэалізацыі першага этапу Мэтавай міждзяржаўнай праграмы АДКБ па ўмацаванні таджыкска-афганскай граніцы. На пасяджэнні кіраўнікі дэлегацый падпісалі шэраг дакументаў, у тым ліку План развіцця ваеннага супрацоўніцтва дзяржаў — членаў арганізацыі на 2026-2030 гады.

У рабоце статутнага органа прыняла ўдзел дэлегацыя Дзяржаўнага сакратарыята Савета бяспекі Рэспублікі Беларусь на чале з Аляксандрам Вальфовічам. У сваім выступленні кіраўнік беларускай дэлегацыі звярнуў увагу сваіх калег на далейшае абвастрэнне ваенна-палітычнай абстаноўкі ва Усходне-Еўрапейскім рэгіёне калектыўнай бяспекі АДКБ. Беларускім бокам таксама была агучана неабходнасць пачатку дзейнасці па распрацоўцы новай стратэгіі калектыўнай бяспекі арганізацыі на перыяд да 2035 года.

На палях форуму ў Чалпон-Аце дзяржаўны сакратар Савета бяспекі Аляксандр Вальфовіч абмеркаваў са сваімі калегамі з краін АДКБ перспектывы двухбаковага супрацоўніцтва па лініі апаратаў саветаў бяспекі і іншыя актуальныя пытанні, звязаныя з сумеснай работай сілавых ведамстваў дзяржаў-членаў.

Фота Савета бяспекі