Па даных следства, у сакавіку бягучага года 68-гадовай жыхарцы Брэсцкага раёна патэлефанаваў невядомы. Зламыснік прадставіўся супрацоўнікам банка і запатрабаваў ад жанчыны «задэклараваць» існуючыя зберажэнні. Яна паведаміла, што асабіста перадаць грошы не можа, але іх гатовы прывезці муж.

Неўзабаве на тэлефон яе мужа паступіў званок ад ілжэспецыяліста, які запатрабаваў тэрмінова прыехаць у Мінск, узяўшы з сабой усе назапашванні. Мужчына неадкладна выехаў у сталіцу. Выконваючы ўказанні куратараў, ён выклікаў таксі, каб дабрацца да патрэбнага адраса. Кіроўца таксі заўважыў, што мужчына ў разгубленасці размаўляў па тэлефоне, і ўмяшаўся ў размову з невядомым сынам пенсіянера. Западозрыўшы, што пасажыр знаходзіцца пад уздзеяннем ашуканцаў, пільны грамадзянін адвёз яго ў Заводскае РУУС Мінска. Дзякуючы дзеянням таксіста ўдалося выратаваць больш за 120 тыс. рублёў.

Заводскім (г. Мінска) раённым аддзелам Следчага камітэта заведзена крымінальная справа па ч. 1 арт. 14, ч. 4 арт. 209 (замах на махлярства, учынены арганізаванай групай у асабліва буйным памеры) КК.