Паводле аператыўных даных на 13 верасня, накапаны 1 млн 3 тыс. т цукровых буракоў. Сярэдняя ўраджайнасць 435 ц/га, цукрыстасць больш за 16%.

Набраны тэмп уборкі, які перавышае мінулагодні. «Караняплод убраны з плошчы 23 тыс. га, што складае 21% ад плана 109 тыс. га. У разрэзе абласцей лідзіруе Мінская, дзе накапана 455 тыс. т, і Гродзенская — 346 тыс. т. У Брэсцкай вобласці накапана 109 тыс. т, Магілёўскай — 91 тыс. т, Віцебскай — 2 тыс. т», — расказалі ў ведамстве.

У буракапрыёмныя пункты вывезены 81% ад накапанага, што складае 819 тыс. т. У лік дзяржзаказу пастаўлена 642 тыс. т (19% ад плана).