Верш пад назвай «Пар супраць электрычнасці» (Steam v. Electricity) быў надрукаваны яшчэ ў 1905 годзе, але заставаўся незаўважаным з-за недакладнасцяў у аўтабіяграфіі пісьменніцы.

Па даных выдання, Крысці памылілася ва ўспамінах, указаўшы, што на момант напісання верша ёй было 11 гадоў, а не 14. Твор быў апублікаваны з падзагалоўкам, які тлумачыць, што юны аўтар каментуе паломку электрычных цягнікоў. У жартоўнай форме верш апісвае, як паравоз прыходзіць на дапамогу электрацягніку, які зламаўся, радуючыся сваёй карыснасці. Публікацыя была падпісана дзявочым прозвішчам пісьменніцы — А. М. К. Мілер (Агата Мэры Кларыса Мілер).

Даследчыкам творчасці аўтара ўдалося выявіць гэты лірычны твор у газетных архівах толькі ў мінулым месяцы. Пасля выяўлення верша яны звязаліся з унукам пісьменніцы Мэцью Прычардам, які ўхваліў яго публікацыю. 

Агата Крысці — аўтар больш за 60 дэтэктыўных раманаў, шасці псіхалагічных раманаў і 19 зборнікаў апавяданняў. Яе кнігі выдадзены тыражом звыш 4 млрд экзэмпляраў і перакладзены на больш чым 100 моў свету.