На аўтамабільнай дарозе Р83 (Брэст — Камянец — нацпарк «Белавежская пушча») добраўпарадкавана эксперыментальная праекцыйная падсветка. Гэта тэхналогія ўжо выкарыстоўваецца «Брэстаўтадарам». «Прымяненне гобо-праектара — вельмі перспектыўная рэч, паколькі пешаходныя пераходы, асабліва ў складаных умовах надвор’я, часцяком кіроўцаў цяжка заўважыць. Эфектыўнасць павялічваецца за кошт таго, што гэта ярка выяўлены асветлены ўчастак, які бачны кіроўцу на адлегласці 100-150 м. Яго ўспрыманне не пагаршаецца ад умоў надвор’я і практычна не залежыць ад стану пакрыцця. Праектар асвятляе пешаходны пераход на любым пакрыцці: ён добра бачны, добра ўспрымаецца і кідаецца ў вочы», — растлумачыў перавагі Сяргей Дзямко.

Намеснік гендырэктара дадаў, што ў «Брэстаўтадары» задаволеныя гэтай навіной. У цяперашні час вядзецца збор даных і адсочванне эфектыўнасці работы абсталявання пры розных (паніжаных і павышаных) тэмпературах, каб пазбегнуць збояў. У выпадку паспяховых вынікаў плануецца пашырыць сферу прымянення гэтай тэхналогіі і абсталяваць дадатковыя ўчасткі.