«Учора ў нас з расійскімі калегамі адбылося пасяджэнне Савета Міністраў Саюзнай дзяржавы. Таксама мы ўсе разам наведалі выстаўку „ІНАПРАМ. Беларусь“. Сёння мы сустракаемся на чарговым пасяджэнні Еўразійскага міжурадавага савета. Парадак дня, як заўсёды, у нас аб’ёмны і разнастайны», — сказаў Аляксандр Турчын.

Парадак дня ўключае 15 пытанняў, у тым ліку ў сферы гандлю, прамысловасці, мытнага супрацоўніцтва, фінансавай палітыкі, электраэнергетычнага рынку, транспарту і лагістыкі.

Пазней сёння таксама пройдзе пасяджэнне Еўразійскага міжурадавага савета ў пашыраным складзе.