Надзвычайны і Паўнамоцны Пасол Беларусі ў Егіпце і Рэспубліцы Судан па сумяшчальніцтве Яўген Сабалеўскі ўручыў копіі даверчых грамат міністру замежных спраў і міжнароднага супрацоўніцтва Рэспублікі Судан Мухідзіну Салему Ахмеду. Аб гэтым паведамляе БелТА.
У час сустрэчы дадзена станоўчая ацэнка актывізацыі беларуска-суданскага ўзаемадзеяння, адзначана ўстойлівая дынаміка кантактаў па лініі профільных ведамстваў.
Бакі абмеркавалі перспектывы пашырэння гандлёва-эканамічных сувязей, уключаючы рэалізацыю дамоўленасцей, дасягнутых па выніках 5-га пасяджэння сумеснай беларуска-суданскай камісіі па супрацоўніцтве.
Намечаны крокі па інтэнсіфікацыі супрацоўніцтва паміж знешнепалітычнымі ведамствамі дзвюх краін, пацверджана гатоўнасць і ў далейшым аказваць узаемную падтрымку на міжнародных пляцоўках.
