5-8 красавіка 2025 г. парламенцкая дэлегацыя Рэспублікі Беларусь на чале са Старшынёй Савета Рэспублікі Наталляй Качанавай здзяйсняе візіт у Рэспубліку Узбекістан. Пра гэта паведамляе прэс-служба верхняй палаты парламента.
У склад парламенцкай дэлегацыі Беларусі ўвайшлі старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей Алейнік; старшыня Пастаяннай камісіі Савета Рэспублікі па эканоміцы, бюджэце і фінансах Уладзіслаў Татарыновіч; намеснік старшыні Пастаяннай камісіі Савета Рэспублікі па эканоміцы, бюджэце і фінансах Ірына Ляўковіч; старшыня Пастаяннай камісіі Палаты прадстаўнікоў па міжнародных справах Сяргей Рачкоў.
Праграмай візіту запланаваны:
- Удзел у агульных дэбатах 150-й Асамблеі МПС.
Міжпарламенцкі саюз (МПС) — найстарэйшая міжнародная парламенцкая арганізацыя (заснавана ў 1889 г.), якая налічвае 181 дзяржаву. 15 міжнародных парламенцкіх арганізацый (уключаючы МПА СНД) маюць статус асацыіраваных членаў МПС. Штаб-кватэра знаходзіцца ў Жэневе, Швейцарская Канфедэрацыя. Вышэйшым органам МПС з’яўляецца Асамблея, якая склікаецца двойчы ў год (вясной і восенню) .
МПС цесна супрацоўнічае з ААН, падзяляе яе мэты і задачы. Прадстаўнікі МПС удзельнічаюць у буйных мерапрыемствах органаў ААН. З улікам свайго ўніверсальнага характару МПС імкнецца прэтэндаваць на ролю парламенцкага вымярэння ААН.
- удзел у 4-й Канферэнцыі Парламенцкай сеткі Руху недалучэння.
Рух недалучэння — гэта форум 121 краіны, якія фармальна не звязаны з якім-небудзь буйным блокам або не выступаюць супраць яго. Таксама ў РН уваходзяць у якасці назіральнікаў 17 дзяржаў і 10 міжнародных арганізацый. Рух быў заснаваны з мэтай прасоўвання інтарэсаў краін, якія сталі на шлях развіцця, у кантэксце супрацьстаяння часоў Халоднай вайны.
Пасля ААН гэта самая вялікая групоўка дзяржаў у свеце.
Парламенцкая сетка Руху недалучэння (ПСРН). На XVIII саміце РН, які адбыўся ў Баку ў кастрычніку 2019 г., кіраўнікі дзяржаў і ўрадаў прынялі рашэнне пашырыць і паглыбіць супрацоўніцтва з парламентарыямі РН, прызнаючы, што яны могуць адыгрываць канструктыўную ролю ў дасягненні прынцыпаў, ідэалаў і мэт Руху.
Першая канферэнцыя ПСРН прайшла ў Баку з 30 чэрвеня па 1 ліпеня 2022 г. У ёй прынялі ўдзел каля 400 удзельнікаў з больш як 40 парламентаў і 8 міжнародных міжпарламенцкіх арганізацый з усяго свету. Канферэнцыя ПСДН стала важнай вяхой у інстытуцыйным развіцці міжпарламенцкай арганізацыі. Старшыня Мілі Меджліса Азербайджанскай Рэспублікі Сагіба Гафарава была выбрана старшынёй ПСРН. Канферэнцыя з’яўляецца найвышэйшым органам прыняцця рашэнняў Сеткі.
- шэраг двухбаковых сустрэч.
