Супрацоўнікі сталічнага наркакантролю пры сілавой падтрымцы байцоў «Алмаза» затрымалі 36-гадовага мінчаніна і яго 44-гадовую сужыцельку. 

Устаноўлена, што злачынную падпрацоўку фігуранты знайшлі ў інтэрнэце каля месяца таму. Па заданні куратара забіралі аптовыя партыі тавару ў схованках, дома фасавалі на дробныя дозы і раскладвалі па Мінску.

У іх кватэры і закладках аператыўнікі выявілі і канфіскавалі каля двух кілаграмаў асабліва небяспечных псіхатропных рэчываў мефедрон і альфа-PVP. 

Следчымі заведзена крымінальная справа за незаконны абарот наркотыкаў з мэтай збыту. Фігурантам пагражае да 15 гадоў пазбаўлення волі.

Праваахоўнікі нагадалі, што асоба, якая добраахвотна здала наркатычныя сродкі і актыўна садзейнічала выяўленню або спыненню злачынстваў, звязаных з незаконным абаротам забароненых рэчываў, вызваляецца ад крымінальнай адказнасці.