Праграма візіту афрыканскіх гасцей вельмі насычаная, паведамілі ў прэс-службе Савета Рэспублікі. Запланаваны сустрэчы на высокім узроўні, у прыватнасці, з кіраўніцтвам Савета Рэспублікі, вынікам якой стане падпісанне Мемарандума аб супрацоўніцтве беларускіх і зімбабвійскіх парламентарыяў.

Парламенцкая дэлегацыя Зімбабвэ таксама наведае Мінскі трактарны завод, Парк высокіх тэхналогій, дзе запланавана сустрэча з назіральным саветам, установу аховы здароўя, Першы нацыянальны гандлёвы дом, азнаёміцца з экспазіцыяй выстаўкі «Мая Беларусь», пабывае на экскурсіі і спектаклі ў Вялікім тэатры Беларусі.