Заяўнік працавала на ўмовах тэрміновага працоўнага дагавора, у якім быў указаны тэрмін яго дзеяння — «па дзень, які папярэднічае дню вызначэння ўласніка будынка».

Так, лёс будынка вызначаны, памяшканне перадалі ў распараджэнне іншай установе. З заяўнікам і іншымі работнікамі, якія былі прыняты на такіх жа ўмовах, скасавалі працоўныя адносіны. Але падставы звальнення каштавалі працаўнікам некалькіх тысяч рублёў.

З абставінамі спынення працоўных адносін разбіраўся прафсаюз. Ужо на наступны дзень спецыялісты выехалі ў арганізацыю з маніторынгам. Як высветлілася, апроч таго, хто звярнуўся, з такой жа сітуацыяй сутыкнуліся яшчэ тры работнікі ўстановы.

Як адзначыла прававы інспектар працы Гомельскай абласной арганізацыі Беларускага прафсаюза работнікаў адукацыі і навукі Наталля Філіпенка, нягледзячы на новага кіраўніка будынкам, уласнік па факце не змяніўся. Таму акалічнасць, якая з’яўлялася б падставай для спынення тэрміновага працоўнага дагавора (змена ўласніка маёмасці) не наступіла, а значыць, тэрмін дзеяння тэрміновага працоўнага дагавора не скончыўся і звальненні з’яўляюцца незаконнымі.

Трэба адзначыць, што працоўная спрэчка вырашылася літаральна за 3 дні з моманту звароту. Наймальнік аператыўна адрэагаваў на выдадзеную прадстаўнікамі прафсаюза рэкамендацыю. Так, унесены змяненні ў загады аб звальненні і адпаведна ў запісы ў працоўныя кніжкі. Работнікі атрымалі выхадную дапамогу ў памеры трох сярэднямесячных заробкаў і грашовую кампенсацыю за папярэджанне аб звальненні менш як за два месяцы. У сярэднім кожны з работнікаў у сувязі са скарачэннем атрымаў каля 4,5 тысячы рублёў.

Нагадаем, па кансультацыю ці дапамогу ў вырашэнні працоўнай спрэчкі ў Міжгаліновы маніторынгавы цэнтр ФПБ можна звярнуцца па адзіным нумары — 8 801 100 1111. Прафсаюзныя спецыялісты працуюць штодня з 8.00 да 20.00.

Алена КРАВЕЦ