У Гродне на лінію 102 паступіла паведамленне, што на лесвічнай пляцоўцы шматкватэрнага дома мужчына паводзіць сябе неадэкватна і палохае жыхароў. На месца неадкладна выбылі супрацоўнікі Кастрычніцкага РУУС.

«Падчас размовы з міліцыянерамі мужчына дастаў з кішэні нож і накіраваўся ў іх бок. На неаднаразовыя законныя патрабаванні спыніцца не рэагаваў. Пасля чарговага папярэджання ў дачыненні да правапарушальніка была ўжыта табельная зброя. Дэбашырам аказаўся 51-гадовы жыхар абласнога цэнтра. Ён дастаўлены ў бальніцу, сур’ёзных пашкоджанняў не атрымаў», — паведамілі ва УУС.

Следчымі распачата крымінальная справа за супраціўленне супрацоўніку органаў унутраных, спалучанае з прымяненнем гвалту. Раней фігурант больш за 40 разоў прыцягваўся да адміністрацыйнай адказнасці.

Чытайце таксама: П’янага бяспраўніка ў Карэліцкім раёне спынялі са стральбой