Пра здарэнне ў дзелавым цэнтры на вуліцы Ціміразева ратавальнікі аператыўна атрымалі інфармацыю дзякуючы сістэме аўтаматычнай перадачы паведамленняў аб НС «Маланка». Як расказалі пажарныя, пры правядзенні разведкі на трэцім паверсе будынка яны выявілі ўзгаранне падвеснай столі і маёмасці.

Пасля спрацоўвання моўнага апавяшчальніка адміністрацыяй аб’екта сумесна з работнікамі МНС былі эвакуяваныя 73 чалавекі. Ніхто не пацярпеў. 

Пажар ліквідавалі. На месцы здарэння працавала 6 адзінак спецтэхнікі. Агнём пашкоджаная столь і маёмасць, закураны кабінет.

Абставіны здарэння высвятляюцца.