Падлетак выкінуў пакет са смеццем з акна 9-га паверха на вул. Кульман і выпадкова папаў у прыпаркаваны ў двары дома аўтамабіль, паведамляе «Минск-Новости».
Бутэлька, якая ўпала з вялікай вышыні, пакінула ўвагнутасць на капоце легкавушкі. Прычыненая ўладальніцы аўто шкода склала блізу 2 000 рублёў.
Высветлілася, што смецце з акна выкінуў 16-гадовы навучэнец сталічнага каледжа, які пражывае ў інтэрнаце. Свой безадказны ўчынак ён патлумачыў тым, што спусціцца ўніз і дайсці да кантэйнера яму было лянота.
Супраць падлетка распачатая крымінальная справа за хуліганства.
