Паводле слоў Марыны Ільіной, у горадзе будуць працаваць 263 аздараўленчыя лагеры. Асаблівая ўвага — дзецям, якія знаходзяцца на індывідуальнай прафілактычнай рабоце і ў сацыяльна небяспечным становішчы.

«Максімальна мы іх прыцягваем для таго, каб яны прайшлі аздараўленне ў рамках гарадскіх аздараўленчых лагераў, — падкрэсліла кіраўніца ведамства. — Гэта 263 пункты па ўсім горадзе Мінску, дзе будзе арганізавана харчаванне, культурная праграма. Кожны непаўналетні зможа знайсці сабе занятак па душы».

Яна адзначыла, што вельмі важна, каб дзеці знаходзіліся пад наглядам дарослых, якія змогуць парэкамендаваць найлепшую занятасць.

Галоўнай асаблівасцю гэтых канікул стане новы гарадскі праект «Прафвясна» для вучняў 9-х класаў. Каля 3000 падлеткаў змогуць пазнаёміцца з работай сталічных каледжаў і новымі спецыяльнасцямі, якія ўвялі сёлета.

«Наша задача — папулярызацыя працоўных прафесій у гэтым праекце, — заявіла Марына Ільіна. — Прадугледжаны мерапрыемствы, як буйныя на базе кінатэатраў, так і на базе саміх устаноў сярэдняй спецыяльнай адукацыі».

Такім чынам, вясеннія канікулы ў Мінску абяцаюць быць не толькі актыўнымі і карыснымі для здароўя, але і дапамогуць дзевяцікласнікам вызначыцца з будучай прафесіяй.

Надзея ЗУЕВА