У «Аптэкарскім садзе» Мядзельскага раёна запрацаваў «Лабірынт траўніка». Наведвальнікі могуць адправіцца ў займальнае падарожжа па зялёных калідорах з высокіх сцеблаў кукурузы, паведамляе «Мінская Праўда».
Што ў праграме?
Асаблівасцю лабірынта стала інтэрактыўнае заданне ад траўніка: трэба знайсці схаваныя літары і скласці назвы двух лекавых траў. У самым цэнтры лабірынта расце адна з гаючых траў, што дадае цікавасці да пошукаў.
Першымі даследаваць лабірынт змаглі дзеці з лагера «Зубраня», якія з азартам шукалі шлях і літары, атрымаўшы шмат станоўчых эмоцый, паведамілі арганізатары.
Уваход каштуе 5 рублёў.
